BALA DUM TEUKA

BALA DUM TEUKA
Oleh: Hardiansyah

Assalamualaikum saleum lon tuan
Kepada taulan rakan seulingka
Treb ka meunafsu neuk saweu rakan
Watee nyoe rakan baroe trok pinta

Nibak kali nyoe lon puphon nazam
Keu bala Tuhan jinoe ta reka
Rap tiep-tiep wate sabe tiep-tiep jan
Tarasa sabee teguran teuka

Ie laot ijoe cedah hana ban
lagee syit sang-sang hipnotis mata
Wate tapike bala leu that ban
Sengkak pikiran tanyoe syedara

Banjer di Tangse bandang geboh nan
Tuman di Jeupang tsunami teuka
Rap-rap jeut donya hana soe tahan
Bala bak Tuhan keu manusia

Lam padup uroe nyoe teuma laen ban
Pih na kireman bom ji bagi rata
Soe-soe meutumeung raketan nyan
Bek sagai-sagai rijang neu buka

Geuretam-reutum beude jimusu
rap saban buleun beureutoh pusaka
lam haba koran sabe lam karu
jipeugah seubab pilkada teuka 

Bom kreatif dijieh geupenan
Bentuk kiriman hana tasangka
Jiboh lam buku dengan ancaman
Iming-imingan teror syedara

Meunan keuh bala neubi le Tuhan
Geutanyoe rakan meubek le lupa
Beuna tapubuet pue yang seruhan
Yang kebajikan jak takeurija

Bala di laot atau daratan
Nyan kebinasaan buet manusia
Allah han neubi menyoe hana pintaan
Seruan Tuhan sebab tan takeurija

Meumada oh noe uloen keu marang
Kabeh bacaan bak uloen reeka
Meu’ah keu uloen dum kesalahan
Panton lon sang-sang hana meu gaya 

Tapaktuan, 09 Maret 2012

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout /  Ubah )

Foto Google+

You are commenting using your Google+ account. Logout /  Ubah )

Gambar Twitter

You are commenting using your Twitter account. Logout /  Ubah )

Foto Facebook

You are commenting using your Facebook account. Logout /  Ubah )

w

Connecting to %s